Spitalet në Nju Jork kanë nisur të testojnë një ilaç kundër urthit si mundësi për trajtimin e koronavirusit.
Sipas Daily Mail, ilaçi quhet famotidinë dhe shitet në formën orale me emrin Pepcid.
Të dhënat e para të testimit pritet të publikohen brenda pak javësh.
Interesi për këtë ilaç u shtua pasi mjekët në Wuhan të Kinës zbuluan se pacientët e sëmurë rëndë, të moshës mbi 80 vjeç, mbijetuan pasi morën këtë ilaç.
Mjekët thonë se e kanë përdorur këtë ilaç edhe për shkak se është shumë i lirë.
Ndërkohë një studim me 6212 pacientë, shumica e tyre në ventilator, zbuloi se vetëm 14 përqind e pacientëve që përdorën famotidinën humbën jetën, krahasuar me 27 përqind që përdorën ilaçe të tjera.
Mendohet se ky ilaç e pengon virusin që të shumëfishohet në trup.
© SYRI.net