SHBA fillon provat klinike të një vaksine të dytë kundër COVID-19 – Injektohet në lëkurë dhe jo në muskul si zakonisht

SHBA fillon provat klinike të një vaksine të dytë kundër COVID-19 – Injektohet në lëkurë dhe jo në muskul si zakonisht

13:27, 09/04/2020

Studiuesit amerikanë kanë nisur një tjetër provë klinike të një vaksine eksperimentale për COVID-19, duke përdorur injeksion në lëkurë dhe jo si zakonisht në muskul. Një prej personave që iu nënshtrua testit në Kansas City, Misouri, tha se ishte shumë i lehtë, njësoj si testet e injeksioneve për alergji.

“Është prova më e rëndësishme që kemi bërë ndonjëherë,” tha më pas Dr. John Ervin, nga Qendra për Kërkime Farmaceutike për agjencinë Associated Press. “Njerëzit po mbajnë radhën për të qënë pjesë e kësaj prove.”

Eksperimenti, që përdor një vaksinë të prodhuar nga Inovio Pharmaceuticals, është pjesë e një përpjekje globale për të gjetur mbrojtjen aq shumë të nevojshme kundër Koronavirusit që ka shkaktuar një ndërprerje të aktivitetit ekonomik dhe që po i detyron njerëzit të qëndrojnë në ambiente të mbyllura, ndërsa vendet përpiqen të frenojnë përhapjen.

Një tjetër vaksinë filloi testimin e sigurisë tek njerëzit muajin e kaluar në Seatell, e krijuar nga Instituti Kombëtar i Shëndetit. Kompania Inovio pritet të testojë dy doza të vaksinës së saj, të quajtur INO-4800, në 40 vullnetarë të shëndetshëm në laboratorin kërkimor në Kansas City dhe Universitetin e Pensilvanisë. Inovio është duke punuar me studiuesit kinezë për të filluar së shpejti një studim të ngjashëm në atë vend.

Këto studime të fazës së hershme janë një hap i parë për të parë nëse një vaksinë shfaqet mjaft e sigurt për teste më të mëdha të nevojshme për të vërtetuar efektshmërinë ndaj virusit. Edhe nëse hulumtimi shkon mirë, do të duhet një vit që vaksina të prodhohet për përdorim masiv.

Dhjetra vaksina të mundshme janë duke u eksperimentuar në laboratorë në të gjithë botën, dhe pritet të fillojnë testet e para gjatë disa muajve të ardhshëm.

Shumica e vaksinave në zhvillim kanë të njëjtin objektiv: të godasin një proteinë që mbron sipërfaqen e virusit dhe e ndihmon atë të pushtojë qelizat njerëzore.

Studiuesit e firmës Inovio paketuan një pjesë të kodit gjenetik të virusit brenda një pjese të ADN-së sintetike. Injektuar në vaksinë, qelizat veprojnë si një mini-fabrikë për të prodhuar kopje të proteinave të padëmshme. Sistemi imunitar prodhon antitrupa mbrojtës kundër tyre, të nevojshme nëse virusi i vërtetë vjen ndonjëherë për të sulmuar.

Asnjëra nga dy vaksinat e mundshme nuk përdorin virusin aktual, që do të thotë se nuk ka shanse që vullnetarët të infektohen nga vaksinat.(AP)/ SCAN

© SYRI.net

Lexo edhe:

Komentet

sopiqoti09/04/2020 14:45

UROJME qe shkencetaret ta sjellin sa me pare VAKSINEN.

Shto koment

Denonco