'Kjo histori mund të zgjasë deri...'/ Pipero: Virusi nuk është në ajër, përhapet përmes kontakteve

'Kjo histori mund të zgjasë deri...'/ Pipero: Virusi nuk është në ajër, përhapet përmes kontakteve

18:26, 07/04/2020

Mjeku i njohur, sidomos gjatë pandemisë së Koronavirusit, Pëllumb Pipero,  në një lidhje direkte për News 24, është shprehur se “kjo histori mund të mbyllet edhe në fund të muajit qershor”.

“Duhet që të vazhdojmë që të kemi shumë kujdes. Unë e kam thënë se me uljen e personave të prekur, masat do të ngadalësohen. Ky është fillimi i fundit. Kjo histori mund të mbyllet nga fundi i qershorit. Duhet modeomos që gjithë rajoni të jetë i qetë që edhe Shqipëria të jetë e qetë. Shkenca po punon. Ndoshta mund të kemi edhe vaksinën, ndërsa temperaturat do jenë në favor të luftimit të koronavirusit. Nëse ndodh që ky virus të kthehet prapë, bota është më e mësuar. Këtë herë kishim pasoja rrënuese”, tha mjeku.

Sipas Piperos, virusi nuk është në ajër, por përhapet me anë të kontakteve.

“Nuk mund të themi që nuk mund të kalojmë këtu apo jo. Virusi vjen tek ne përmes kontakteve të afërta dhe nuk është në ajër. Prandaj, shmangia e kontakteve është e rëndësishme. Të shmangim kontaktet. Sidomos të sëmurët kronikë duhet të kenë shumë kujdes. Masat janë të nevojshme që të respektohen, pasi përndryshe mund të infektohemi. Kjo është periudha më e rëndësishme për të luftuar Covid-19”, u shpreh Pipero.

Deri tani, Shqipëria regjistron 22 viktima dhe 383 të infektuar nga COVID-19.

© SYRI.net

Lexo edhe:

Komentet

Martin 07/04/2020 20:38

Hajde, ekspert hajde (?!) Virusi qe ndodhet ne sparklat e peshtymes apo teshtitjes qendron deri ne 20 min me ajer.

Shto koment

Denonco