Dy raste të reja të dyshuara për COVID-19 në Pogradec janë dërguar mëngjesin e sotëm për analiza në Tiranë.
Bëhet fjalë për dy vajza të reja, 22 dhe 23-vjeçe, të cilave u janë marrë tamponët për analiza.
Njëra është nga Pogradeci, ndërsa tjetra nga një fshat i qytetit liqenor.
Burime për Ora News bëjnë me dije se, 23 vjeçarja është studente në Tiranë ndërsa tjetra ka pasur kontakte me njerëz.
Por fatmirësisht orët e pasdites vonë sollën lajmin e mirë, ku të dyja dolën negative për COVID-19.
Sipas të dhënave më të fundit nga Ministria e Shëndetësisë, numri i të prekurve me Koronavirus në vendin tonë është 212, ndërsa kujtojmë se numri i viktimave është 10.
© SYRI.net