Një 43-vjeçar u bë viktima më e re e koronavirusit në Shqipëri. Ai nuk kishte probleme shëndetësore, por ishte obez.

Në fakt, në listën e problemeve që përkeqësohen nga koronavirusi, përveç diabetit, sëmundjeve të zemrës, të veshkave, mëlçisë dhe kancerit, përfshihet edhe obeziteti.

Prej ditësh, qeveritë perëndimore kanë bërë thirrje që personat mbipeshë të kenë kujdes pasi rrezikohen nga koronavirusi i ri.

Veçanërisht të rrezikuar janë ata që kanë BMI, një Indeks të Masës Trupore mbi 40.

Personat më të rrezikuar nga koronavirusi janë të moshuarit, ata që kanë një sistem të dobët imunitar dhe vuajnë nga sëmundje të tjera.

Por së fundmi ka pasur raportime se gjithmonë e më shumë të rinj po bien viktimë e sëmundjes.