Pavarësisht se po punohet me ritme të jashtëzakonshme, një vaksinë për koronavirusin do jetë e mundur të paktën brenda 12 muajsh. Po cilat ilaçe janë më premtuese në kurimin e virusit?
Nga James Gallagher, BBC
Mjekët po testojnë disa ilaçe aktuale anti-virale për të parë nëse funksionojnë kundër koronavirusit. Kjo përshpejton kërkimin pasi ato dihet se janë të sigurta për t’ua dhënë njerëzve.
Testimet po zhvillohen në spitalet e vendeve të prakura, por në shkurt, dr. Bruce Aylward nga Organizata Botërore e Shëndetësisë, tha: “Tani është vetëm një ilaç që mendojmë se mund të ketë efikasitet dhe ai është remdesivir”.
Ai u prodhua si ilaç për Ebolan, por gjithashtu duket se mund të vrasë një shumëllojshmëri virusesh. Sidoqoftë ne jemi ende duke pritur rezultatet e testimeve.
Kishte shumë shpresë se disa ilaçe kundër HIV (lopinavir dhe ritonavir) mund të ishin efektive, por të dhënat e testimeve janë zhgënjyese.
Ato nuk e përmirësuan shërimin, nuk i ulën vdekjet dhe as nivelet e koronavirusit te pacientët me Covid-19.
Sidoqoftë, testimet janë kryer në pacientë në gjendje të rëndë (gati një e katërta e tyre vdiq) dhe mund të ketë qenë tepër vonë që ilaçet të funksiononin.
Po ashtu ka shumë interes për një ilaç të vjetër dhe të lirë kundër malarjes, i quajtur chloroquine. Testet laboratorike kanë treguar se ai mund të vrasë virusin, por edhe njëherë jemi në pritje të rezultateve kur u jepet pacientëve. Testimet po zhvillohen në SHBA dhe vende të tjera.
© SYRI.net
Ilaçet qe "funksionojne" jane :Hydroxychloroquine + azithromycine. Flm mirupafshim