Shkencëtarja dhe pedagogia shqiptare në Oxford, Detina Zalli, tha në një lidhje me “Skype” në News24 se situate alarmante me koronavirusin do të zgjasë për disa muaj, sidomos në Shqipëri, apo Angli, ku sipas saj, jemi në javët e para.

Duke folur për vaksinën, Zalli u shpreh se po punohet për të në Oxford, SHBA, Gjermani e Kinë, por ajo do të jetë gati për t’u përdorur te njerëzit, ose të paktën te britanikët, në fund të këtij viti.

“Situata në Britani është alarmante. Vaksina që do dalë nga Oxford është një nga pesë vaksinat. E para ka dalë në SHBA, që ka dhënë dhe testimin e parë. Është dhe një kompani gjermane që po punon me këtë gjë, si dhe në Kinë. Kështu që shpresa ka për të nxjerrë vaksinën. Por do duhet pak kohë që vaksina të aprovohet. Në Britani pritet që vaksina të jetë gati për njerëzit në fund të vitit.

Kjo situatë do vazhdojë kështu për disa muaj, mendohet. Masat tani po merren, absolutisht kanë ndikuar në infektimin e njerëzve. Të thuash që britanikët e kanë prodhuar vaksinën është dicka e madhe, pasi ajo nuk është provuar te njerëzit. Por, jemi shumë optimistë për kët ëgjë, pasi struktura gjenetike e COVID-19 është shumë e ngjashme me disa viruse të tjera dhe grupi i Oxford ka prodhuar vaksina për ta.

Numri i të infektuarve do të rritet, në Evropë dhe Angli, pasi besohet se kjo situatë do të vazhdojë kështu oër një ose dy muaj. Kina pati sukses, për shkak të masave të rrepta. Unë kam qenë shumë herë në Kinë, kam shumë studentë atje, dhe të gjithë janë izoluar nëpër shtëpi”, tha Zalli.

A keni bashkëpunuar me shkencëtarët amerikanë?

Po, po bashkëpunojmë.

Çfarë parashikojnë shkencëtarët?

Mundësitë janë që kjo situatë të vazhdojë gjatë, një, dy ose më shumë muaj. Në Angli, apo në Shqipëri, jemi në javët e para, mendoj se do të zgjasë për disa muaj.