Alarm/ Ja çfarë i ndodhë trupit nëse rrini ulur gjatë

Alarm/ Ja çfarë i ndodhë trupit nëse rrini ulur gjatë

13:58, 27/01/2019
A+ Aa A-

Qeniet njerëzore janë të krijuara për të ecur shumë kilometra çdo ditë, por stili modern i jetesës ka ndikuar që shumë prej nesh të bëjmë një jetë ku tërë kohën qëndrojnë ulur.

Mesatarisht, një person i shpenzon të paktën 9 orë në ditë duke qëndruar ulur.

Vitet e fundit, shkencëtarët kanë filluar t’i hulumtojnë më thellë efektet fizike dhe psikologjike të qëndrimit të tepërt ulur.

Zbulimet e tyre janë alarmante!

Muskujt fillojnë ta humbasin tonifikimin

Qëndrimi i tepërt ulur ndikon që t’i shfrytëzoni më pak muskujt dhe kjo ndikon që ta humbni forcën muskulore.

Kycet bëhen më pak fleksibilë

A jeni ndjerë ndonjëherë të lodhur apo keni pasur dhimbje kur jeni ngritur nga karrigeja?

Nëse po, atëherë kjo për shkak se keni qëndruar ulur për një kohë të gjatë. Nyejve u nevojitet lëvizje e rregullt për ta mirëmbajtur funksionin e tyre.

Edhe performanca kognitive e pëson

Trurit i nevojitet një furnizim i vazhdueshëm me gjak të oksigjenuar për të funksionuar mirë.

Kur qëndroni për disa orë ulur pa lëvizur fare, qarkullimi i gjakut ngadalësohet, ndërkaq kjo manifestohet me përqendrim dhe kreativitet më të ulët.

Shpina fillon t’ju dhemb

Gjatë aktivitetit fizik, muskujt në shpinë kontraktohen dhe relaksohen. Kjo është e rëndësishme sepse përmirësohet qarkullimi i gjakut në disqet e shpinës. Qëndrimi ulur ndikon që disqet e shpinës të bëhen kompakte dhe kjo shkakton dhimbje.

Rritet rreziku i diabetit dhe sëmundjeve kardiovaskulare

Shtimi i peshës është fakto rreziku për diabet. Kur qëndroni ulur pa lëvizur, ju digjni më pak kalori e kjo shndërrohet në shtim të peshës.

Veç kësaj, shkencëtarët kanë zbuluar se ata të cilët qëndrojnë ulur gjithë ditën janë më të prirë të diagnostikohen me sëmundje të zemrës sesa ata që vazhdimisht lëvizni.

 

© SYRI.net

Lexo edhe:

Komentet

Shto koment

Denonco