Lajmi i fundit

ÇIM PEKA LIVE/ Droga e Xibrakës

Tumoret gjinekologjike, 5 simptoma që një femër s’duhet t’i nënvlerësojë

Tumoret gjinekologjike, 5 simptoma që një femër s’duhet t’i nënvlerësojë

16:45, 13/02/2018
A+ Aa A-

Vajzat dhe gratë priren që ti nënvlerësojnë sinjalet e para të alarmit që organizmi i’u dërgon, në rast të një tumori gjinekologjik, i cili shfaqet në pjesët intime të trupit.

Kjo gjë ndodh, ndoshta sepse i ngatërrojnë me simptoma të tjera, apo thjeshtë sepse i nënvlerësojnë.

Është e provuar shkencërisht se arma më efikase kundër një tumori, është diagnoza e hershme dhe kontrolli tek një specialist.

Departamenti për parandalimin dhe kontrollin e kancerit në SHBA, “Centers of disease control and prevention”, ka publikuar një studim të fundit në revistën shkencore “Family Practice”, lidhur me sinjalet që jep tumori gjinekologjik dhe që nuk duhen nënvlerësuar.

-Dhimbje shpine ose barku;

-Djegie vaginale;

-Ndjesi lodhje;

-Fryrje;

-Nevojë për të urinuar më shpesh se zakonisht.

Për të arritur në këtë përfundim u mbajtën nën vëzhgim 132 gra me moshë nga 40 deri në 60 vjeç në Chicago, New York, Miami dhe Los Angeles, të cilat u pyetën me anë të një pyetësori, që të tregonin se cilat ishin simptomat e qarta të një kanceri gjinekologjik dhe kur e konsideronin të nevojshme për t’iu drejtuar mjekut, shkruan noa.al.

Rezultoi se shumica e tyre i neglizhonin problemet si dhimbja e shpinës apo e barkut, lodhje, apo shqetësime të lidhura me aparatin riprodhues.

Ato deklaruan se i drejtoheshin mjekut vetëm kur kishin ndryshime të ngjyrës së sekrecioneve apo ndryshime në cikël, duke i lidhur shpesh me simptoma të menopauzës.

© SYRI.net

Lexo edhe:

Komentet

Shto koment

Denonco