E tronditur dhe me përshtypjet më të këqija, një vajzë 22-vjeçare u largua nga një fermë në Selanikun lindor të premten e kaluar.

Shkak është bërë fakti se ajo ka qenë viktimë e ngacmimeve seksuale nga pronari 48-vjeçar. Sipas asaj që mësohet, e reja vizitonte fermën me prindërit e saj për të kërkuar informacione pasi donte të krijonte të sajën.

Të premten e kaluar prindërit e saj nuk mundën të vinin me të dhe ajo shkoi vetëm. Më pas, siç ka denoncuar në polici, 48-vjeçari me origjinë nga Shqipëria ka fikur të gjitha kamerat e sigurisë në zonë dhe e ka ngacmuar jo një por dy herë, një herë teksa ka qenë në kalë dhe një herë kur ka zbritur nga kali.

Pas denoncimit përkatës, efektivët e policisë kanë lokalizuar 48-vjeçarin dhe e kanë arrestuar. Ai u dërgua në prokurori dhe u referua për t’u gjykuar në procedurë të pavarur në Gjykatën e Kundërvajtjes Njëanëtare të Selanikut.