Disa nga të dyshuarit për grabitjen e depos së gjykatës janë arratisur nga Mali i Zi më 11 shtator, me autobus në linjën Podgoricë – Sarajevë, përmes pikës kufitare Šćepan Polje, ndërsa të tjerët kanë kaluar kufirin në Dobrakovë.

Kështu ka konstatuar prokuroria dhe policia në hetimin e vjedhjes së provave nga depoja e Gjykatës së Lartë në Podgoricë, e cila u zbulua mëngjesin e 11 shtatorit.

Kujtojmë se paraprakisht ministri i Punëve të Brendshme të Malit të Zi, Filip Axhiq ka mbajtur një konferencë për media ku ka folur për detajet e arrestimit dhe vendndodhjes së atyre që morën pjesë në hapjen e tunelit deri në Gjykatën e Lartë në Podgoricë.

Siç theksoi ai, në atë aksion kanë marrë pjesë shtetasit serbë Milan Markoviq (1970), Veljko Markoviq (1991), Dejan Jovanoviq (1993), Vladimir Erviq (1991).

Ministri malazez publikoi fotot e personave që morën pjesë në hapjen e tunelit mafioz

Megjithatë, sipas Vijestit, ende nuk është sqaruar dhe as nuk dihet se cili nga katër të dyshuarit është larguar në cilën pikë kufitare.

“Ne kemi të paktën pesë persona të tjerë që morën pjesë në këtë punë. Jo të gjithë morën pjesë në gërmimin e tunelit. Disa ishin logjistikë dhe disa ofruan lloje të tjera të ndihmës,” shpjegoi Adžić.

Kujtojmë se të hënën e datës 11 shtator u zbulua një ngjarje e pazakontë në lidhje me depon, pasi disa objekte brenda depos ishin të shpërndara. Nga depoja e Gjykatës së Lartë në Podgoricë janë vjedhur disa pistoleta, të cilat janë prova kundër krerëve të klanit kriminal të Kavakës, ndërsa hetuesit janë në kërkim të gjashtë personave që kanë marrë pjesë në vjedhje.

Dyshohet se janë vjedhur armë të klanit të Kavaçkës.