BILD
Presidenti turk, Rexhep Erdogan, kërcënoi indirekt me një sulm me raketa mbi Athinë, nëse Greqia nuk ‘qetësohet’ në mosmarrëveshjen mbi ishujt grekë.
Greqia është nervoze sepse raketa ‘Tajfun’ e prodhuar në Turqi, mund të godasë edhe Athinën, tha Erdogan të dielën në mbrëmje në një takim me të rinjtë në Samsun, në Turqinë veriore. “Sigurisht, ky prodhim i bën grekët nervozë. Sapo përmendet ‘Tajfuni’, grekët nervozohen”, tha presidenti turk.
Sfondi i deklaratave për raketat është mosmarrëvesha mbi ishujt e shumtë të banuar dhe të pabanuar në Mesdheun lindor. Turqia po sfidon sovranitetin grek mbi këto ishuj dhe kërkon tërheqjen e të gjitha trupave greke.
Kërcënimi i Erdoganit për Athinën: ‘Nëse përpiqesh që të marrësh gjëra aty-këtu, atëherë një vend si Turqia nuk do të qëndrojë duarkryq’.
Situata mes dy partnerëve të NATO-s në Egje është jashtëzakonisht e tensionuar për momentin. Erdogan e ka kërcënuar vazhdimisht Greqinë gjatë javëve të fundit me fjalinë: “Munë të vijmë papritur gjatë natës”.
Tani vjen kërcënimi me raketa!
Sipas transmetuesit shtetëror TRT, rrezja e raketës balistike ‘Tajfun’ vlerësohet të paktën 300 kilometra- kjo është afërsisht distanca që ndan kryeqytetin grek nga Turqia. Sipas TRT, raketa tashmë është testuar me sukses në Detin e Zi.
© SYRI.net