Presidenti i Malit të Zi, Milo Gjukanovicç thotë se institucionet në vend nuk po funksionojnë, ndaj është urgjente mbajtja e zgjedhjeve.

Gjukanoviç deklaroi se qeveria është në një mandat teknik pa besimin e shumicës së deputetëve, parlamenti ka një shumicë në ndryshim, presidenti është në muajt e fundit të mandatit të tij dhe gjyqësori funksionon kryesisht me funksionarë ushtrues detyre, shkruan RTCG (Radio Televizioni Malazez).

“Ky është një kalbje institucionale: qeveria e ka humbur legjitimitetin, parlamenti ruan homogjenitetin e 41 deputetëve në një temë revanshizmi ndaj qeverisë së mëparshme. Një vend i tillë nuk është në gjendje të organizohet seriozisht në reformat e legjislacionit zgjedhor, tha Gjukanoviç për BBC në serbisht.

Edhe pse zgjedhjet e ardhshme presidenciale në Malin e Zi do të zhvillohen në pranverën e vitit 2023, Gjukanoviç beson se zgjedhjet e jashtëzakonshme parlamentare duhet të mbahen më herët.

“Besimi im është se nuk duhet të hezitojmë, se kemi humbur shumë kohë. Gjendja financiare po përkeqësohet në mënyrë dramatike dhe mendoj se zgjedhjet duhet të shpallen ditën e parë kur të jetë e mundur, në mënyrë që të mos lejojmë pasoja të rënda me të cilat do të duhet të përballet për të shumëfishuar më tej një qeveri shumë kompetente”, theksoi presidenti malazez.