Presidenti turk i drejtohet Greqisë: Mbështetja nga SHBA nuk do t’ju shpëtojë

Presidenti turk i drejtohet Greqisë: Mbështetja nga SHBA nuk do t’ju shpëtojë

13:05, 27/09/2022
A+ Aa A-

Tensionet mes Greqisë dhe Turqisë sa vijnë e përshkallëzohen. Pas raportimeve të mediave turke se  Greqia në mënyrë të paligjshme, ka dislokuar mjete të blinduara në ishujt në Egje ka reaguar presidenti Rexhep Tajip Erdogan.

 “ Armët e grumbulluara në Trakinë Perëndimore dhe në ishuj nuk janë asgjë për ne. Forca dhe aftësitë tona janë shumë përtej kësaj.Duam t’i kujtojmë Greqisë, ejani në vete. Mendoni se mbështetja nga Amerika dhe Evropa do t’ju shpëtojë?”, ka thënë Erdogan.

Presidenti turk akuzoi  gjithashtu Athinën se po strehon terroristë.

“Terroristët mbrohen pothuajse në çdo vend të Evropës, veçanërisht në kampin grek në Lavrio. Ne presim që të gjitha vendet, veçanërisht fqinjët, të marrin masat e duhura kundër organizatave terroriste”, është shprehur Erdogan.

Erdogan përmendi edhe çështjen e emigracionit, duke thënë se Turqia nuk dëshiron që në  Egje dhe Mesdheut derdhen lot apo gjak.

Në të shkuarën, tensione të tilla janë shuar shpesh nga SHBA apo liderët evropianë, por këtë herë, ekziston frika se ata mund të mos i kushtojnë vëmendje për shkak të luftës në Ukrainë.

© SYRI.net

Lexo edhe:

Komentet

Shto koment

Denonco