Një incident që tradhton prirjen drejt obskurantizmit, kërkohet të menaxhohet nga autoritetet greke.

Në mënyrë të veçantë, një 50-vjeçar me origjinë shqiptare ka kryer rrëmbimin e vajzës së tij 22-vjeçare, pasi kjo e fundit ishte në një lidhje me një 37-vjeçar të papranuar nga familja e saj. Kjo ngjarje e pamenduar është thirrur të menaxhohet nga policia e Sigurimit në Kypseli. 

Sipas denoncimit, babai 50-vjeçar së bashku me djalin e tij 21-vjeçar, kanë kryer rrëmbimin e vajzës 22-vjeçare. Dy burrat së bashku me një shok të tij, pasditen e së dielës kanë dalë me makinë në rrugët e Kypselit dhe kanë nisur të kërkojnë të renë.  

Në një moment e kanë lokalizuar teksa po ecte me të dashurin e saj 37-vjeçar dhe më pas kanë zbritur nga automjeti dhe me forcë verbale dhe fizike e kanë kapur të renë. 

Pas kapjes me dhunë babë e bir u drejtuan në një apartament nëntokësor në Kaisariani. 

Fillimisht ata i morën vajzës  celularin në mënyrë që ajo të mos mund të kërkonte ndihmë ndërkohë që e kishin mbyllur në zonën e caktuar. Për orë të tëra u përpoqën ta bindnin se ishte në të mirën e saj të prishte lidhjen, ndërsa njëherësh përpiqeshin të siguroheshin që ajo të mos informonte Policinë. 

Kjo skenë zgjati për orë të tëra, derisa mëngjesin e së hënës 22-vjeçarja i bindi se duhej të shkonte në tualet. Për shkak se nuk ekzistonte në atë zonë, i kanë rënë ziles për t'i shërbyer një të njohuri që jeton shumë afër dhe disi vajza e re ka gjetur rastin të lajmërojë Policinë.

Pas pak minutash në vendngjarje kanë mbërritur makinat e ekipit DI.AS. dhe një patrullë e Veprimit të Menjëhershëm, trokitën në derën e banesës së bodrumit dhe kur hapën derën u zbulua se çfarë po ndodhte. Të gjithë ata u dërguan në policinë vendore, ku 22-vjeçarja ka denoncuar babain dhe vëllain e saj, si dhe personin e tretë. 

Tanime babai dhe i biri  janë arrestuar dhe ndaj tyre është ngritur procedimi për veprën penale të rrëmbimit të personit në komplot, ndërsa tani fjalën e ka Drejtësia.