Abazoviç udhëton nesër për vizitë zyrtare në Serbi

Abazoviç udhëton nesër për vizitë zyrtare në Serbi

12:45, 28/06/2022
A+ Aa A-

Kryeministri malazez, Dritan Abazoviç, do ta vizitojë nesër Serbinë dhe pritet ta takojë presidentin e Serbisë, Aleksander Vuçiç dhe kryeministren Ana Brnabiq për të diskutuar çështjet e hapura mes dy vendeve, raporton Radio Televizioni i Malit të Zi.

Abazoviq do ta udhëheqë delegacionin prej 11 zyrtarëve përfshirë, ministrin e Agrokulturës, ministrin e Financave dhe ministren e Planifikimit Urban.

Sipas qeverisë malazeze, Abazoviç do të bisedojë me zyrtarët serbë për temat aktuale dhe çështjet tjera të bashkëpunimit në mënyrë që të përmirësojë dialogun politik dhe të forcojë marrëdhëniet bilaterale.

Disa nga çështjet që kanë qenë pengesë mes Podgoricës dhe Beogradit janë ekstradimi i ish-presidentit të unionit Serbi-Mali i Zi, Svetozar Maroviq, mungesa e ambasadorëve në dy shtetet dhe ndalimit të deputetëve të Malit të Zi në kufi që votuan pro rezolutës për Srebrenicën.

© SYRI.net

Lexo edhe:

Komentet

Shto koment

Denonco