Një burrë 60-vjeçar ka pranuar se ka vrarë një çift të martuar dhe dy fëmijët e tyre të vegjël në qytetin grek të Andravidës, sepse ata ishin vonuar me pagesën e qirasë, tha të shtunën Ministri i Mbrojtjes Civile Takis Teodoricakos.

Një nënë (37), babai (32) dhe fëmijët e moshës tre dhe dy vjeç u gjetën të vdekur në shtëpinë e tyre në një qytet të vogël në veriperëndim të gadishullit të Peloponezit të mërkurën.

Prindërit u vranë me armë zjarri dhe fëmijët u mbytën, tha Teodoricakos për televizionin shtetëror ERT.

Vrasësi i dyshuar u arrestua të premten vonë mbrëma në qytetin port të Patras, rreth pesëdhjetë kilometra në verilindje të Andravidës, njoftoi agjencia e lajmeve ANA.

Sipas mediave, burri ka shfaqur shenja dhune që në moshë të vogël, pasi ka qëlluar në këmbë një studente tjetër kur ishte 15 vjeç.

Ai gjithashtu thuhet se ka pikëpamje ekstremiste dhe se ka postuar mesazhe ekstreme raciste në rrjetet sociale.