Një ngjarje e rëndë ka ndodhur ditën e sotme, 14 janar në Pula të Kroacisë.
Rreth orës 16:15 janë gjetur dy persona të vdekur në një shtëpi në rrugën Argonautska. Sipas policisë, në lidhje me ngjarjen është ndaluar një person i cili u vetë-dorëzua në polici.
Sipas të dhënave të deritanishme, bëhet fjalë për një mashkull dhe grua, përkatësisht bashkëshortë ndërsa dyshohet se kjo ishte vrasje e dyfishtë.
Nga informacionet paraprake dyshohet se 30-vjeçari i vetë-dorëzuar në polici është djali i çiftit.
Autoritetet janë duke hetuar rastin dhe po marrin në pyetje 30-vjeçarin për të mësuar arsyet dhe shkaqet që dërguan atë të kryente këtë krim brutal, shkruan index.hr.
© SYRI.net