Athinë - Autoritetet shëndetësore greke njoftuan të mërkurën për 7,108 raste të reja me koronavirus dhe 93 vdekje. Raporti i Organizatës Kombëtare për Shëndetin Publik zbuloi gjithashtu se 612 pacientë janë aktualisht të intubuar në ICU të Greqisë.

Shumica e pacientëve të intubuar 499  janë të pavaksinuar ose vetëm pjesërisht të vaksinuar dhe 113  janë plotësisht të vaksinuar.

Numri i përgjithshëm i rasteve në Greqi që nga fillimi i pandemisë arriti në 901,661, me 17,612 vdekje të regjistruara gjatë të njëjtës periudhë.

Zëdhënësi i qeverisë greke, Yiannis Oikonomou e përshkroi vendimin për të reduktuar operacionet e rregullta me 80% si një "goditje të rëndësishme për shëndetin publik".

Ai tha se është një “vendim i domosdoshëm për shkak të presionit që i është nënshtruar Sistemit Shëndetësor Kombëtar për shkak të të pavaksinuarve”.

Zëvendësministrja e Shëndetësisë Mina Gaga tha nga ana e saj se spitaleve nuk u kërkohet të zvogëlojnë numrin e operacioneve të rregullta por po u jepet leja, nëse e gjykojnë të nevojshme, për të shkurtuar.

Ajo theksoi se asnjë rast serioz mjekësor ose seancë kimioterapie "nuk do të lihet pas".

“Nuk do të ndalojmë një operacion për tumor apo për aksident automobilistik”, shtoi ajo, duke theksuar se kriteret për operacione të rregullta dhe urgjente janë të përcaktuara qartë.