Marrëveshjet ushtarake me Francën/ Greqia mesazh Turqisë: Ka kaluar çdo logjikë, do i përgjigjemi…

Marrëveshjet ushtarake me Francën/ Greqia mesazh Turqisë: Ka kaluar çdo logjikë, do i përgjigjemi…

19:12, 27/09/2021
A+ Aa A-

‘Turqia ka shkuar përtej çdo logjike’, u shpreh sot Ministri i Punëve të Jashtme të Greqisë Nikos Dendias, duke e paralajmëruar se Athina do t’i përgjigjet çdo veprimi provokues me maturi dhe respekt të plotë të të Drejtave Ndërkombëtare.

Dendias përsëriti se Greqia dëshiron të mbajë kanale komunikimi me Turqinë, por gjithmonë në kontekstin e ligjit ndërkombëtar, dhe vuri në dukje se ishte inkurajuese të merrte mesazhe të qarta mbështetjeje, por edhe mirëkuptimi, edhe nga partnerët më skeptikë gjatë takimeve në Asamblenë e OKB-së.

Ai madje tha se “kjo përpjekje do të vazhdojë, duke investuar në marrëdhëniet që kemi zhvilluar tashmë, por edhe duke ndërtuar lidhje të reja“.

Ndërkohë që nesër Ministri i Punëve të Jashtme Nikos Dendias dhe Ministri i Mbrojtjes Nikos Panagiotopoulos do të jenë në Paris për të firmosur një marrëveshje që ka të bëjë me furnizimin e fregatave.

Kjo paketë gjithashtu përfshinë të gjitha sistemet e armëve që këto anije mund të mbajnë.

Pak muaj më parë Greqia nënshkroi marrëveshjen me Francën për furnizimin me 24 avionë luftarakë. Sinjale të qarta për Turqinë.

© SYRI.net

Lexo edhe:

Komentet

Shto koment

Denonco