Zhvillime të shpejta po ndodhin në rastin e vrasjes që tronditi Greqinë muaj më parë në Glyka Nera, pasi autoritetet greke po kryejnë një hetim të shpejtë për t’iu përgjigjur të gjitha pyetjeve në lidhje me krimin e rëndë që kanë mbetur pa përgjigje.

Sipas mediave greke ekspertët nuk kanë qënë në gjendje të përcaktonin saktësisht kur karta e kujtesës u hoq nga kamera, nëse ishte para vrasjes apo pas vrasjes së nënës 20 vjeçare.

Dhe për të zgjidhur këtë mister autoritetet greke kanë kërkuar ndihmë nga Kina, pasi laboratorët kriminalistikë nuk janë në gjendje të japin një përgjigje të saktë hetuesve.

Kështu, u kërkua leje dhe u vendos që të dhënat të dërgoheshin në Kinë, ku ndodhet kompania mëmë që ka bërë kamerën, në mënyrë që të merrnin një përgjigje.