Mediat greke kanë publikuar detaje të reja në lidhje me ngjarjen që ka tronditur Greqinë.

Babis Anagnostopoulos , që ka tentuar të fshehë autorësinë, ka arritur të thejë kamerën vetëm dy orë para se të ndodhte krimi, kurse ia ka hequr edhe kartën e regjistrimit.

Kjo në foto është kamera e shtëpisë, të cilën Bobis e ka thyer, me qëllim që të duket sikur e kanë bërë grabitësit, shkruan Ekathimerini.

Në fakt, autoritetet greke zbuluan se kamerës i ishte hequr karta regjistruese apo e kujtesës dy orë para se Anagnostopoulos të vriste bashkëshorten e tij, Caroline Crouch.

Kamera është prova 35 në shtëpinë e çiftit në Glyka Nera, kurse më parë mediat e vendit fqinj nxorrën edhe provën 36, kutinë me mbishkrimin ”Monopoly” për të cilën piloti grek mashtroi, kur tha se kishte fshehur mijëra euro dhe grabitësit e dinin këtë gjë.