Rezultatet e ekzaminimit mjeko-ligjor të trupit të Caroline 20-vjeçare, e cila ra viktimë e grabitësve të paskrupullt që hynë në shtëpinë ku ajo jetonte me burrin dhe foshnjën e saj 11 muajshe në Glyka Nera, janë tronditëse .

Sipas gjetjeve të ekspertit mjekësor, vrasësit e mbytën 20-vjeçaren me duar, ndërsa shkaku i vdekjes, siç përmendet në raportin mjeko-ligjor, është mbytja , pasi kishte një bllokim të rrugëve të frymëmarrjes. Brenda gojës së saj ishte një copë pëlhure që autorët e shtynë brenda, ndërsa në të njëjtën kohë i mbyllën hundën dhe gojën me duar.

Burri 32-vjeçar i Caroline u kthye në shtëpinë e tij dje pasdite vonë , disa orë pas makthit që përjetoi. Piloti i helikopterit 32 vjeç, i shoqëruar nga tre oficerë policie, mbërriti në shtëpi për të marrë disa sende personale, qëndroi në të për një orë dhe më pas u largua.

Kur u largua, ai bëri deklaratat e tij të para, pas incidentit tragjik, para gazetarëve që e prisnin.

“Ata do të kapen. Policia di se si të bëj punën e saj. Ne i kërkuam të mos na lëndonin. Atë që kemi kaluar unë dhe familja ime dhe familja e gruas sime, mos lejoni askënd ta kalojë përsëri,” tha ai, para se të largohej me makinë.