Ditën e sotme, qeveria greke ka vendosur shtyrjen e izolimit të ashpër në periferinë e Atikës, përfshi kryeqytetin e vendit Athinë dhe zonën e Pireut.

Sipas ministrit për Trajtimin e Krizave, Nikos Chardalias, situata është kritike pasi mbyllja totale për mbi një muaj nuk solli uljen e numrit të të infektuarve.

Plot 80% e sallave të reanimacionit në spitalet e Covid-19 kanë pacientët ndërsa shifra vjen në rritje çdo ditë.

Në zonën e kuqe mbeten zonat e Selanikut, Chalkidiki, Rethimno, Thasu, Thiveon, Kalimnos, Evia, Arkadia. Nga sot “të kuqe” janë dhe periferitë e Thesprotia, Igumenica, Arta, Siros, Iraklio, Korinthi, Samos, Dhidhimotiho dhe Amfilohia.

Sot në Greqi u shënuan 1.790 të infektuar, 317 pacientë janë në intubim, ndërsa humbën jetën 29 njerëz. Paralelisht, sot u vaksinuan mbi 28.000 persona në të gjithë Greqinë.