Kapshtica e bllokuar deri më 8 mars, ja kush lejohet të kalojë

Kapshtica e bllokuar deri më 8 mars, ja kush lejohet të kalojë

11:14, 23/02/2021
A+ Aa A-

Pika kufitare e Kapshticës do jetë e bllokuar deri së paku më 8 mars. Njoftimi vjen nga Drejtoria Vendore e Kufirit dhe Migracionit në Korçë.

Stacioni i Policisë Kufitare Kapshticë:

Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare për shtyrjen e afatit të bllokimit të Pikës së Kalimit Kufitar Kapshticë, deri në datën 08.03.2021.

Deri në këtë datë, dalja nga Shqipëria dhe hyrja drejt Greqisë nëpërmjet kësaj pike kalimi, vijon të jetë e mbyllur. 

Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, vetëm për këmbësorët dhe mjetet e tonazhit të rëndë (kamiona mallrash). Mjetet si autobusa, taksi, apo çdo mjet tjetër i transportit të pasagjerëve, nuk do të lejohet të kalojë.

© SYRI.net

Lexo edhe:

Komentet

Shto koment

Denonco