Der Spiegel: Nëse Greqia zbaton zgjerimin me 12 milje, Turqia do e shohë si shkak për luftë

Der Spiegel: Nëse Greqia zbaton zgjerimin me 12 milje, Turqia do e shohë si shkak për luftë

17:35, 23/01/2021
A+ Aa A-

Vendimin e parlamentit grek për të votuar pro projektligjit të Ministrisë së Punëve të Jashtme për shtrirjen e ujërave territoriale të vendit në 12 milje detare në Detin Jon, revista Gjermane Der Spiegel e ka komentuar si një shkak për luftë nga ana e Turqisë.

“Vendimi është në përputhje me të drejtën ndërkombëtare, por ai gjithashtu jep një perspektivë, të cilën Turqia e hedh poshtë kategorikisht”, thuhet në artikullin e publikuar nga mediat greke, duke iu referuar medias gjermane.

Sipas Der Spiegel “nëse Athina zbaton këtë zgjerim në Egje, Turqia mund ta shohë atë si një shkak për luftë”.

“Nëse Athina zbaton këtë zgjerim në Egje, Turqia mund ta shohë atë si një shkak për luftë. Athina mund të argumentojë se nuk po planifikon të marrë më tej ujëra territoriale. Sidoqoftë, Mitsotakis vazhdimisht theksoi se me ligjin e ri kjo mund të bëhet dhe se Greqia do të vendosë vetë kur dhe në çfarë mënyre dhe në çfarë kushtesh.

Në 1995 Parlamenti Turk vendosi që shtrirja e ujërave territoriale Greke në Egje me 12 milje do të konsiderohej një shkak për luftë. Turqia pretendon se Egjeu do të bëhej një “det grek” de facto. Në të vërtetë, në këtë rast 71% e Egjeut do t’i përkiste ujërave territoriale Greke, nga 21% që është sot”.

Spiegel raporton se të dy vendet po fillojnë bisedimet për herë të parë që nga viti 2016 “në mënyrë që të kapërcejnë ndryshimet që i kanë çuar ato vazhdimisht në prag të luftës në të kaluarën”.

“Rreziku i konfliktit”

“Greqia po rishikon kufijtë detarë”, është titulli i një raporti në faqen online të televizionit publik gjerman tagesschau.de, ku shkruhet: “Jo, jo dhe 16 abstenime. Rrallë një projektligj qeveritar pranohet gjerësisht. Greqia po zgjeron kufijtë e saj detarë”. 

© SYRI.net

Lexo edhe:

Komentet

Shto koment

Denonco