Athinë - Zëdhënësi i qeverisë greke, Christos Tarantilis, foli për një lirim të pjesshëm të kufizimeve që nga java e ardhshme, duke thënë në një konferencë shtypi të enjten se kostoja e ekonomisë për çdo muaj bllokim vlerësohet "rreth 3 miliardë euro, nëse jo më shumë".

Me infeksione të reja deri në 599 raste të enjten nga 671 të mërkurën dhe 866 një ditë më parë, dhe pa përkeqësim befasues në të dhëna të tjera epidemiologjike, qeveria duket e gatshme që të premten të njoftojë rihapjen e sektorit të shitjes me pakicë.

Kathimerini mësoi se dyqanet do të rihapen të hënën me të njëjtin sistem kufizimesh ("kliko dhe ik) i përdorur gjatë pushimeve dhe me takime të rezervuara për parukeritë dhe libraritë.

Ajo që nuk ka gjasa të shpallet të premten është rihapja e shkollave të mesme dhe të larta.