Mediat greke akuzojnë palën turke se ka lëshuar një tjetër 'sfidë', në prag të rinisjes së dialogut mes Turqisë dhe Greqisë në 25 janar.

‘Roja bregdetare turke ka provokuar duke “ngacmuar” një anije peshkimi greke me manovra të rrezikshme në zonën e gjerë detare të Imia’, raportojnë mediat helene.

Gjithashtu mediat kanë publikuar edhe pamjet e momentit kur roja bregdetare turke bën manovra të rrezikshme, duke iu afruar anijes së peshkimit në një distancë që i ndante me centimetra.