Vaksinimi falas dhe vullnetar/ Greqia siguron 25 milionë doza nga BE

Vaksinimi falas dhe vullnetar/ Greqia siguron 25 milionë doza nga BE

20:20, 03/12/2020
A+ Aa A-

Për të luftuar përhapjen e Covid-19, Greqia do të mbajë në fuqi deri më 14 dhjetor izolimin aktual të vendosur, ku përjashtim bën një lehtësim i vogël për shkak të festave të fundvitit.

Sipas udhëzimit, duke filluar nga e hëna, dyqanet e vogla që tregtojnë artikuj për Krishtlindje do të rihapen.

Detajet për bizneset e shitjeve me pakicë do të bëhen të ditura gjatë të premtes.

Greqia raporton një situatë shqetësuese me pandeminë, pasi ditën e fundit raportoi 1800 raste të reja dhe 100 viktima.

Ndërkohë, qeveria prezantoi dhe planin e vaksinimit të qytetarëve për koronavirusin e ri. Zëdhënësi i qeverisë, Stelios Petsas, tha se “vaksinimi do të jetë vullnetar dhe falas”. Fushata pritet të nisë në fund të këtij muaji ose në janar.

Bashkimi Europian ka siguruar deri më tani më shumë se 1 miliardë doza, nga të cilat Greqia do të marrë 25 milionë vaksina.

© SYRI.net

Lexo edhe:

Komentet

Shto koment

Denonco