Kancelarja Angela Merkel, tha se ato që po ndodhin në Mesdhe nga pala turke, janë  “agresive” dhe “provokuese”.

Faktin që anija kërkimore “Oruc Reis” u kthye sërish në portin turk, Merkel e përshkroi si një “shenjë të mirë”.

Gjatë Presidencës Gjermane të Këshillit të BE, Kancelarja gjermane tha se “fatkeqësisht përparim” në marrëdhëniet BE-Turqi “nuk mund të përmendet”, duke shtuar se kështu do dëshironte në fakt.

“Ne kemi bërë shumë përpjekje në marrëdhëniet BE-Turqi. Ekzistojnë një numër pengesash dhe vështirësish që vazhdojnë të kthehen, kështu që duhet të presim që debati të shpaloset në dhjetor”, tha Merkel.

Duke iu përgjigjur pyetjeve përkatëse nga deputetët e Greqisë dhe Qipros, Kancelarja Merkel tha se “Turqia në vitet e fundit ka marrë një rrugë që provokon shumë kritika në lidhje me vlerat tona, besimet tona”.

“Ajo që po ndodh në Mesdhe, si drejt Qipros – dhe për çështjen e ribashkimit të Qipros – dhe për çështjen e nxjerrjes së mineraleve, ka një karakter shumë agresiv ose, do të thoja, një karakter provokues, dhe është një shenjë e mirë që kjo anija, Oruc Reis u kthye në një port turk. Ne thamë se do ta adresonim çështjen përsëri në Këshillin Evropian në dhjetor dhe do të mendonim se si do të reagonim ndaj situatës. Kjo do të ndodhë më 10 dhe 11 dhjetor, siç kemi planifikuar ”, shtoi Merkel.