Tetova, por edhe qytete tjera në Maqedoninë e Veriut vazhdojnë të kryesojnë listat e vendeve me nivelin më të lartë të ndotjes së ajrit.

Mbrëmë qyteti i Tetovës ishte ndër qytetet më të ndotura në botë dhe këtë e bëri të ditur faqja e njohur Numbeo.com, për matjen e nivelit të ndotjes së ajrit nëpër botë, duke u bazuar në të dhënat e stacioneve matëse, përcjell INA.

Menjëherë pas Tetovës radhiteshin Kabuli, Katmandu, Faridabad, Gazijabad dhe të tjerë.

Statistikat e Numbeo.com mbrëmë janë shpërndarë edhe nga shumë qytetarë dhe personalitete publike në Tetovë dhe Maqedoninë e Veriut, që kanë shprehur shqetësimet e tyre.