Të paktën 20 persona u plagosën në Beograd, kur mijëra njerëz dolën në protesta mbrëmë pas lajmërimit për vendosjen e kufizimeve për shkak të koronavirusit.
Zemërimi ndaj presidentit Aleksandar Vuçiç arriti kulmin kur protestuesit arritën të futen edhe në parlament. Më vonë ata u nxorën nga njësitë speciale të policisë.
Tensioni në kryeqytet mbetet i lartë pas situatës në vend. Opozita i është bashkuar protestave pas zgjedhjeve të fundit.
Në muajin mars Serbia ishte ndër vendet më masat më të ashpra kufizuese në përpjekje për të penguar përhapjen e infektimeve. Por në muajin maj ajo u rihap edhe për shkak të fushatës për zgjedhjet parlamentare.
Partitë opozitare, një pjesë e të cilave bojkotuan zgjedhjet e 21 qershorit, kritikuan presidentin serb se po e përdor mbylljen për të forcuar atë që ata e quajnë sundim autokratik.
© SYRI.net