Greqia do të fillojë të pranojë fluturime të drejtpërdrejta nga Mbretëria e Bashkuar nga 15 korriku, tha të hënën zëdhënësi i qeverisë Stelios Petsas.

Sa i përket Suedisë, autoritetet greke po monitorojnë të dhënat epidemiologjike në vend dhe do të marrin çdo vendim bazuar në progresin e situatës, tha ai.

Duke iu referuar një sërë masash të shpallura nga kryeministri Kyriakos Mitsotakis javën e kaluar, Petsas tha se qëllimi kryesor ishte të mbështesnin punonjësit në sektorin e turizmit, i cili është goditur shumë nga pandemia.

Ai shtoi se Greqia është ndër një grusht vendesh që "vazhdon të kryejë inspektime te udhëtarët".