Mijëra qytetarë dolën dolën me biçikleta në kryeqytetin slloven, Lubljanë që të protestojnë kundër qeverisë.

Sipas BBC, ata e akuzojnë kryeministrin Janez Jansa se po e përdor pandeminë e koronavirusit si pretekst për të kufizuar liritë.

Protestuesit thonë se kryeministri po shton pushtetin policor dhe po nxit urrejtje ndaj emigrantëve dhe po sulmon personalisht gazetarët.

Sllovenia ka regjistruar deri tani 1450 raste me koronavirus dhe 100 viktima.

BBC raporton se protesta ishte paqësore dhe se protestuesit hodhën slogane: ‘Hajdutë’ dhe ‘poshtë qeveria’.

Ndërkohë sërish në Ballkan, në Shqipëri kësaj radhe, një protestë kundër masave të izolimit.

Por këtu policia i shoqëroi me dhunë protestuesit. Kjo është hera e dytë brenda pak ditësh që dhunohen protestuesit në sheshin më të madh në vend.