Të lodhur nga javë të tëra izolim, me nisjen e masave lehtësuese, duket se qytetarët grekë i kanë kuptuar gabim mesazhet e zyrtarëve për kujdes të shtuar tashmë që do të dalin nga shtëpitë.
Sipas mediave greke, policia u përlesh me një grup qytetarësh në periferinë e Aghia Paraskevi në Athinë, pasi ata kishin dalë të argëtoheshin.
Ishin rreth 300 të rinj të mbledhur në shesh dhe me kanacet e birrave të hapura po festonin duke injoruar totalisht masat ndaj Covid-19.
Policia i paralajmëroi fillimisht që të shpërndahen, por ata refuzuan dhe e injoruan thirrjen.
Pas refuzimit të thirrjes së tyre, policia u përlesh me ta.
Kreu i Mbrojtjes Civile, Nikos Hardalias, tha se qytetarët kanë injoruar masat ndaj Covid-19 duke rrezikuar jetën e të tjerëve.
© SYRI.net