Maqedonia e Veriut ka regjistruar numrin më të madh të të infektuarve me koronavarisus që nga paraqitja e COVID-19. 72 raste të reja janë regjistruar në 24 orët e fundit, ndërsa dy persona kanë ndërruar jetë, një 56 vjeçar nga Kumanova dhe një tjetër i moshës 63 vjeç nga Llabunishta e Strugës.
Sipas raportit të Ministrisë së Shëndetësisë, tani numri i të infektuarve ka arritur në 555 ndërsa i të vdekurve në 18, thuajse të gjithë të moshës mbi 60 vjeç që kanë vuajtur edhe nga sëmundje tjera kronike.
Gjendja më e rëndë paraqitet në Shkup me 235 të infektuar dhe Kumanova me 114 e cila që nga e premtja është në izolim prej 56 orësh, apo deri të hënën në orën 05.00.
© SYRI.net