Lufta kundër koronavirusit/ SHBA do ndihmojë vendet e rrezikuara, gati fondi 274 milionë $

Lufta kundër koronavirusit/ SHBA do ndihmojë vendet e rrezikuara, gati fondi 274 milionë $

21:50, 27/03/2020
A+ Aa A-

Sekretari amerikan i Shtetit, Mike Pompeo, tha se Shtetet e Bashkuara kanë ndarë afro 274 milionë dollarë fonde humanitare për luftën kundër koronavirusit.  

“Shuma prej 274 milionë dollarësh do të ofrojë burime për 64 vendet më të rrezikuara në botë, për të luftuar më mirë pandeminë dhe për t’i mundësuar Komisionarit të Lartë të Kombeve të Bashkuara për Refugjatë që t’i ndihmojë disa nga popullatat më të rrezikuara në botë”, tha Pompeo, sipas Rel.  

“Ky zotim i ri përfshin afro 100 milionë dollarë ndihmë shëndetësore emergjente. Gjithashtu përfshin 110 milionë dollarë ndihmë të re ndërkombëtare për katastrofën, e cila së bashku me fondet tona shëndetësore të urgjencës, do t’iu sigurohet 64 vendeve më të rrezikuara. Me rëndësi është që përgjigjja jonë shton edhe 64 milionë dollarë ndihmë humanitare për Komisionarin e Lartë të Kombeve të Bashkuara për Refugjatë, i cili do t’i ndihmojë disa nga popullatat më të cenueshme në botë”, tha Pompeo.  

Ambasada e Shteteve të Bashkuara në Prishtinë, përmes një postimi në Twitter, tha se ky është një lajm i mirë për Kosovën në luftën e saj kundër koronavirusit dhe se më shumë detaje do të pasojnë.  

 

Në Kosovë janë të infektuar 86 persona me koronavirus, ndërsa një pacient ka humbur jetën.  

Shtetet e Bashkuara, ndërkaq, kanë numrin më të madh të të infektuarve në botë, me mbi 86,000 raste.  

 

© SYRI.net

Lexo edhe:

Komentet

Shto koment

Denonco