Mediat e huaja raportojnë se brenda 24 orëve të fundit janë regjistruar 3 persona të vdekur nga koronavirusi në Greqi, ku mosha mesatare e viktimave është rreth 75 vjeç.
Listës së viktimave iu bashkua dhe rasti i një 40-vjeçareje nga Kosturi, e cila kishte humbur jetën pak ditë më parë në shtëpi, ndërkohë që sot u vërtetua se vdekja u shkaktua nga COVID-19.
Aktualisht në terapi intensive qëndrojnë 45 persona, shumica meshkuj, me sëmundje kronike.
Ndërkohë, vetëm ditën e sotme janë raportuar 48 raste të reja me koronavirus, ndërsa shifra në total ka shkuar në 743.
Sipas përllogaritjeve mendohet që gjithsej numri i të prekurve të ketë shkuar në 10.000 gjithsej.
© SYRI.net