Viktima e parë nga koronavirusi në Maqedoni, rezultoi pozitiv vetëm pasi humbi jetën

Viktima e parë nga koronavirusi në Maqedoni, rezultoi pozitiv vetëm pasi humbi jetën

15:48, 22/03/2020
A+ Aa A-

Ministri i Shëndetësisë në konferencën e sotme për shtyp njoftoi se në Maqedoni tashmë kemi rastin e parë të vdekjes nga virusi korona. Bëhet fjalë për një grua 57 vjeçare nga Kumanova.

“Kemi rastin e parë të vdekjes nga koronavirusi. Është diagnostifikuar pas vdekjes mbrëm vonë në Kumanovë. Bëhet fjalë për grua të moshës 57 vjeçe. Sa i përket pranimit dhe trajtimit, dua të them që kolegët kanë vepruar në bazë të protokollit. Me kohë janë bërë dy teste, që të dy testet kanë treguar rezultat negativ, ajo është trajtuar në izolim. Periudha e izolimit ka ndodhur javën e kaluar. dhe pasi është konstatuar vdekja dhe ka rezultuar pozitiv”-tha mes tjerash Filipçe.

Ministri Filipçe njoftoi se për momentin në Klinikën Infektive po kurohet edhe djali i viktimës i cili është i moshës 33 vjeçe.

” Është hospitalizuar edhe djali i viktimës dy tre ditë pas saj, gjatë javës së kaluar. Ai është 33 vjeç ndërsa gjatë ditës së djeshme ka pasur komplikime dhe është izoluar në Klinikën e Pulmologjisë ndërsa më pas sipas protokollit është transportuar në Klinikën Infektive”-theksoi Filpçe.

Në Maqedoni gjatë ditës së sotme janë regjistruar gjithsej 29 raste të reja me koronavirus, ndërsa numri i përgjithshëm shkon në 114. /TCh/


 

© SYRI.net

Lexo edhe:

Komentet

Shto koment

Denonco