Turqia do të mbyllë përkohësisht kafenetë, vendet sportive dhe argëtuese dhe do të pezullojë lutjet masive në xhami, në përpjekje për të përmirësuar përhapjen e koronavirusit, pasi identifikoi 18 rastet e para të saj në javën e kaluar, thanë autoritetet të hënën.  

Ankaraja gjithashtu zgjati një ndalim fluturimi për gjashtë vende të tjera, përfshirë Britaninë dhe Emiratet e Bashkuara Arabe, duke e çuar numrin e përgjithshëm të vendeve në 20, tha ministri i shëndetësisë, sipas Reuters.  

"Që nga mesnata e të hënës të gjitha operacionet e kafeneve, kinemave, palestrave ... do të pezullohen", tha Ministria e Brendshme.  

Pishinat, vendet e koncerteve dhe dasmave dhe disa restorante do të mbyllen, tha ministria dhe të gjitha aktivitetet dhe tubimet e organizatave joqeveritare do të shtyhen.  

Njoftimi nuk thoshte se sa do të zgjaste pezullimi.  

Turqia gjithashtu pezulloi lutjet masive në xhami, tha kreu i drejtorisë fetare të Turqisë, Ali Erbas, duke shtuar, se vendet e adhurimit do të mbaheshin të hapura për lutjet individuale.