Mbrëmja e 24 janarit do mbahet mend gjatë, pasi lëkundjet e forta të tërmetit që goditi Turqinë, ka sjellë pasoja shkatërrimtare në qytetin e Elazig si dhe në pjesë të tjera të rajonit Sivrice.

Sipas autoriteteve, 5 ndërtesa janë shembur plotësisht dhe dhjetëra të tjera kanë pësuar dëmtime në strukturë.

Gjatë ditës së sotme, mediat turke kanë publikuar pamjet e regjistruara të godinave të shembura, ku ende vazhdojnë operacionet e shpëtim-kërkimit për persona të bllokuar nën rrënoja.

Raportimet e tanishme flasin për 21 viktima dhe mbi 1200 të plagosur të cilët ndodhen në spital për të marrë mjekim, por bëhe me dije se 30 persona ndodhen ende nën rrënoja.