Greqia u trondit mbrëmë nga një sulm në një tavernë Athinë. Dy malazezë u ekzekutuan në sy të grave dhe fëmijëve të tyre.
Igor Dedoviç, 43 vjeç dhe Stevan Stamatoviç, 43, u qëlluan për vdekje nga një skuadër prej katër personash të armatosur.
Vrasja tipike mafioze ndodhi në sy të tre fëmijëve. Gratë e tyre nuk kanë folur akoma për policinë, lajmërojnë mediat greke, duke ruajtur kodin e heshtjes.
Krimi ka shokuar Greqinë, e cila po e sheh vetën si një parajsë për kriminelët e rajonit, mes tyre shqiptarë, serbë e malazez, shkruan një portal. Në fakt, Igod Dedoviç ishte në kërkim ndërkombëtar.
Por çfarë fshihet pas kësaj vrasje?
Zanafilla është në qytetin e Kotorrit, ku u krijua një bandë famëkeqe e trafikut të drogës, e quajtur Dordoleci. Ata trafikonin drogë nga Amerika e Jugut drejt Europës.
Në vitin 2014, 200 kg kokainë u zhdukën në qytetin e Valencias në Spanjë. Prej atëherë, banda u nda në dy fraksione që përplasn me njëra-tjetrën.
Një fraksion quhet Skalari dhe tjetri Kavaçi, sipas emrave të lagjeve në Kotorr.
Prej atëherë, lufta mes dy fraksioneve ka sjellë 40 viktima. Mënyra e ekzekutimit është thuajse e njejtë: anëtarët e bandave vriten në sy të familjarëve.
© SYRI.net