Zgjedhjet presidenciale/ Kroacia zgjedh presidentin në 22 dhjetor, 4 kandidatë në garë

Zgjedhjet presidenciale/ Kroacia zgjedh presidentin në 22 dhjetor, 4 kandidatë në garë

19:18, 14/11/2019

Kroacia do t'i mbajë zgjedhjet presidenciale muajin e ardhshëm, njoftoi kryeministri i këtij vendi, Andrej Plenkoviq.

Zgjedhjet e 22 dhjetorit do ta nxjerrin presidenten aktuale, Kolinda Grabar-Kitaroviq, kandidate e Unionit Demokratik të Kroacisë, në garë kundër kandidatit të Social-Demokratëve dhe ish-kryeministrit, Zoran Millanoviq, raporton Rel.

Dy kandidatë të pavarur gjithashtu kanë mbështetje në sondazhe.

Pozita presidenciale është kryesisht ceremoniale në Kroaci.

Presidenti nuk mund t'iu vë veto ligjeve, por ka rol në politikën e jashtme dhe mbrojtje.

Sipas sondazheve të fundit, Garbar-Kitaroviq është favorite për t'i fituar zgjedhjet me rreth 29 për qind të votave, ndërsa Millanoviq do të jetë i dyti me 24 për qind.

Në garë do të jenë edhe Miroslav Skoro, këngëtar, dhe ish-gjykatësi Mislav Kolakushiq.

Nëse asnjëri nuk e fiton shumicën në rrethin e parë të zgjedhjeve, rrethi i dytë do të zhvillohet më 5 janar të vitit 2020.

© SYRI.net

Lexo edhe:

Komentet

Shto koment

Denonco