Anëtarësimi i Ballkanit në BE/ Ambasadori francez interpretim të ndryshëm nga Macron

Anëtarësimi i Ballkanit në BE/ Ambasadori francez interpretim të ndryshëm nga Macron

19:39, 30/10/2019

Gjatë një interviste për mediat, ambasadori i Francës në Serbi Jean Louis Falconi, ka sqaruar se vendi i tij nuk po synon një “veto” ose një lloj partneriteti të privilegjuar, por ai mbështet anëtarësimin e plotë të Serbisë dhe Ballkanit Perëndimor në BE.

“Ajo që Franca i propozoi Këshillit të Bashkimit Evropian ishte ideja e modernizimit të procesit të pranimit, i cili do të mundësonte që vendet kandidate që kanë përmbushur kriteret në fusha të caktuara, të fillojnë të përdorin përfitimet e saj në vend që të presin fundin e tërë procesin”, deklaroi Falcon në një intervistë, cituar nga European Western Balkans.

Më tej ai shpjegon se procesi aktual i pranimit të ngadaltë, duhet të bëhet “më i shpejtë dhe më përparimtar”.

‘Rezultatet e procesit aktual të pranimit nuk janë të mjaftueshme, qytetarët nuk shohin asgjë konkrete, dhe procesi shpesh është burokratik’.

“Ideja është që, kur një vend të përfundojë negociatat, do të jetë në gjendje të ulet në të njëjtën tryezë me vendet anëtare dhe të marrë pjesë në hartimin e politikave, por pa të drejtë vote”, shpjegoi Falcon në intervistë.

Duke parë interpretime të ndryshme nga presidenti i Francës, Falcon kujtoi se Macron ishte shumë i qartë gjatë vizitës së tij në Serbi në korrik, kur konfirmoi se premtimi për pranimin e Ballkanit Perëndimor në BE do të përmbushet.

Gjithashtu ambasadori theksoi se nuk është e vështirë të shihet se BE nuk po funksionon mirë.

Ai u shpreh se: ‘Kjo është arsyeja pse Macron u angazhua në procesin e përmirësimit të funksionimit të BE-së, që përfshin reformimin e politikës së mbrojtjes dhe sociale, mënyrën e negociimit të marrëveshjeve tregtare, si dhe bërjen e saj më tërheqëse për qytetarët’.

© SYRI.net

Lexo edhe:

Komentet

Shto koment

Denonco