Bilall Kasami: Bllok politik opozitar kundrejt BDI-së, PDSH-së dhe RDK-së

Bilall Kasami: Bllok politik opozitar kundrejt BDI-së, PDSH-së dhe RDK-së

17:42, 25/10/2019

Kreu i Lëvizjes Besa, Bilall Kasami, pas ftesës së Ziadin Selës për bashkëpunim mes Aleancës për Shqiptarë, Lëvizjes Besa dhe Alternativës, ai shkon një hap më tej.

Kasami bëri thirrje për bashkëpunim të gjithë opozitarëve duke ftuar të gjitha subjektet politike, organizatat joqeveritare dhe intelektualët, gjatë emisionit 360 gradë në Alsat.

Thirrja e Kasamit nuk vlen vetëm për BDI-në.

‘Nëse i bëjmë ftesat për koalicione apo ftesat për koalicione të mundshme parazgjedhore nëpër studio televizive, atëherë më lejoni qe edhe unë nga studio e juaj të bëj një ftesë për një bashkëpunim gjithë shqiptar, gjitha partitë politike të regjistruara te shqiptarët, PDSH, Aleanca, Alternativa, RDK, Uniteti, të gjithë intelektualët, diaspora, aktivistët dhe gjithë spektrin opozitar që të bëjmë këtë ndryshim dhe shqiptarëve të Maqedonisë t’i ofrojmë një opsion i cili BDI-në do ta çojë në opozitë dhe tek shqiptarët do të bjerë ndryshimin i cili ata do t’i përfaqësoj denjësisht në institucionet e shtetit’, deklaroi Bilall Kasami, Kryetar i Lëvizjes Besa.

Ndërkohë, Sekretari i Përgjithshëm i Alternativës, Skender Rexhepi, pohon se bashkëpunimi më i përafërt ekziston me Aleancën për Shqiptarët.

‘Ka disa opsione duke filluar nga ai që fuqia jonë politike të matet edhe në aspektin vetanak por megjithatë edhe opsionet e bashkëpunimit me subjektet tjera politike me qëllim grumbullimin votave dhe arritjes së një ndikimi më të madh tek qytetarët për dalje në zgjedhje. Nga gjitha opsionet e mundura, neve jo rastësisht e kemi veçuar se në aspektin programor dhe qëllimeve tona është pikërisht Aleanca për Shqiptarë dhe këtë gatishmëri e kemi shprehur vazhdimisht. Nuk mund të ketë asnjë lloj bashkëpunimi. Opsioni i fundi që as nuk është në listën e opsioneve është bashkëpunimi me për neve partinë e vulave dhe subjektin politik të cilin ju e përmendni’, tha Skender Rexhepi, Sekretar i Alternativës.

Ditë më parë, kreu i Aleancës për Shqiptarët Ziadin Sela në emisionin Rruga Drejt i bëri thirrje dy subjekteve shqiptare Lëvizja Besa dhe Alternativa që bashkërisht të formojnë bllok politik opozitar kundrejt BDI-së, PDSH-së dhe RDK-së.

Sela shtoi se deri tani nuk ka pasur negociata zyrtare dhe marrëveshje konkrete.

© SYRI.net

Lexo edhe:

Komentet

Shto koment

Denonco