RTS, rrjeti radioteleviziv publik i Serbisë, referuar deklaratës së Sergej Prihotko, zyrtar i qeverisë ruse, bën të ditur se Rusia parashikon ngritjen e një centrali termonuklear në Serbi.

Zyrtari rus e ka konfirmuar këtë gjatë vizitës së sotme të kryeministrit rus Dimitrij Medvedev në Beograd.

Rusia është e gatshme të ndërhyjë për ngritjen e Qendrës për Energji Nukleare që do të shërbejë edhe si stacion për teknologji inovacioni, u shpreh zyrtari rus, duke shtuar se kjo do të konkretizohet me një marreveshje mes dy vendeve.