Ndikimi i investimeve kineze, Pompeo paralajmëron vendet e Ballkanit

Ndikimi i investimeve kineze, Pompeo paralajmëron vendet e Ballkanit

19:43, 04/10/2019

Sekretari amerikan i Shtetit, Mike Pompeo, paralajmëroi udhëheqësit e vendeve të Ballkanit, për rreziqet e mundshme nga investimet kineze në teknologji dhe projekte të mëdha të infrastrukturës.

"Siç e kam theksuar kudo në Evropë, unë i paralajmërova për rreziqet e investimeve kineze në teknologjitë e ndjeshme dhe strategjinë e ryshfetit të Kinës, për të siguruar marrëveshje të infrastrukturës", tha Pompeo pas takimit me zyrtarë të lartë të Maqedonisë së Veriut, raporton Rel.

Kina i ka përfshirë disa vende të Ballkanit në projektin e saj infrastrukturor “Rruga e Mëndafshit”, i cili vlerësohet deri në 1 trilion dollarë, dhe ka për qëllim ndërtimin e lidhjeve tokësore dhe detare për të lejuar eksportet kineze të lëvizin drejt Perëndimit.

Gjatë qëndrimit në Maqedoninë e Veriut, Pompeo ritheksoi mbështetjen amerikane për anëtarësimin e Maqedonisë së Veriut në NATO.

Pompeo qëndroi më 4 tetor edhe në Malin e Zi, ku krerëve shtetërorë u konfirmoi se Uashingtoni edhe më tutje do të mbështesë Malin e Zi në rrugën e integrimit evropian.

Udhëheqësit e të dyja vendeve ballkanike e kanë vlerësuar vizitën e Sekretarit amerikan si historike.

Turneu evropian i Pompeos do të përfundojë me vizitën në Greqi.

© SYRI.net

Lexo edhe:

Komentet

kuti 05/10/2019 16:18

E habiteshme si nuk do te takoje, ky Pompeo, halene tone te kombit, li-derrin mondial te vjdhjes e tradhetise! Kujdes syni; Mos i publikoni keto qe ,( jane per perdorim te berndeshem) se do mbylleni nga shqiptari me i llumte qe ka njohur histiria e ketij vendi!!!

Shto koment

Denonco