130 pasagjerë dhe 5 anëtarë të ekuipazhit nga një aeroplan i kompanisë Lufthansa në Beograd, janë evakuuar pas një alarmi për bombë në bord. Ndonëse policia beson se bëhet fjalë për një alarm të rremë, mediat raportojnë se ende janë duke u ushtruar kontrolle.

Sipas deklaratës së Ministrisë së Brendshme, një i huaj ka telefonuar në aeroportin “Nikola Tesla” në Beograd rreth orës 06:00 të mëngjesit duke deklaruar se gjendej një bombë në avionin e linjës ajrore gjermane që po largohej për në Frankfurt.