Sulmuan Parlamentin e Maqedonisë, 211 vite burg për 16 persona

Sulmuan Parlamentin e Maqedonisë, 211 vite burg për 16 persona

16:52, 15/03/2019

Gjykata Penale e Shkupit ka dënuar me 211 vite burg 16 të akuzuar për ngjarjet e 27 prillit 2017 në parlamentin e Maqedonisë së Veriut.

Incidenti që nisi atëkohë në ambientet e brendshme të Kuvendit i nxitur nga kandidimi dhe zgjedhja e politikanit shqiptar, Talat Xhaferri, në krye të parlamentit, la të plagosur disa persona, mes tyre kryetarin Zijadin Sela të Aleancës për Shqiptarët dhe kryeministrin aktual, Zoran Zaev.

Dënimi më i lartë me 18 vite burgim iu caktua këtë të premte ish-ministrit të Brendshëm, Mitko Çavkov, dhe më u ulëti me 7 vite burg iu shqiptua punonjësit të sigurisë së parlamentit.

Ata së bashku me 31 të akuzuar të tjerë u përballën fillimisht me akuzën e “rrezikimit të rendit kushtetues dhe të sigurisë në vend”, por 15 të dyshuar përfituan fundvitin e kaluar nga ligji i amnistisë që u propozua nga parlamenti.

VMRO nuk vonoi të premten t’i cilësojë dënimet si masa rrepta dhe të motivuara politikisht, ndërsa kryetari i Aleancës për Shqiptarët shfaqi pendesë që mes të akuzuarve ndodhej edhe personi i cili e mbrojti atë nga sulmet natën e 27 prillit.

© SYRI.net

Lexo edhe:

Komentet

Shto koment

Denonco