Mali i Zi, përfundimisht i pavarur, shfuqizon vendimin e bashkimit me Mbretërinë Serbe

Mali i Zi, përfundimisht i pavarur, shfuqizon vendimin e bashkimit me Mbretërinë Serbe

13:39, 30/11/2018
A+ Aa A-

Parlamenti i Malit të Zi ka shfuqizuar vendimin e 100 viteve më parë ku sanksionohej  bashkimi me Mbretërinë e Serbisë. 

Deputetët malazezë thanë të premten, 30 nentor,  se vendimi i Kuvendit të Podgoricës në nëntor të vitit 1918, pas Luftës së Parë Botërore, ishte një lëvizje aneksuese nga ana e Beogradit. Madje ata shprehen se zyrtarët vendas që e votuan atë kundër vullnetit të popullit duhet të konsiderohen tradhtarë. 

Debati maratonë për këtë çështje nisi një ditë më parë mes fyerjeve dhe gati sa nuk përfundoi në përleshje fizike mes deputetëve të maxhorancës dhe pakicës parlamentare. 

Mocioni për debatin u firmos nga 42 parlamentare të nxitur nga vendimi i Podgoricës një muaj më parë për të ndalur ceremonitë përkujtimore të 100-vjetorit të bashkimit të Serbisë me Malin e Zi. 

Mali i Zi ka qenë një nga gjashtë republikat përbërse të ish-Republikës Federale të Jugosllavisë. 

Pas shpërbërjes së tij në vitet 1990, vendi mbeti pjesë e Serbisë deri para shkëputjes me referendum në mënyrë paqësore në maj të vitit 2006. 

Me vendim të europarlamentarëve një ditë më parë, Mali i Zi pritet të anëtarësohet në Bashkimin Europian në vitin 2025.

© SYRI.net

Lexo edhe:

Komentet

Shto koment

Denonco